Cristina Sánchez-Andrade

Cristina Sánchez-Andrade é escritora, crítica literaria e tradutora. Licenciada en Ciencias da Información e en Dereito, é natural de Santiago de Compostela. Algunhas das súas obras son Habitada (Anagrama e Aira, 2025), A nostalxia da Muller Anfibio (Anagrama, 2022), o libro de relatos O neno que comía la (Anagrama, 2019) ou As Inviernas (Anagrama, 2014), traducidas a varios idiomas. Cultivou a novela, o relato, o ensaio e a poesía. Foi galardoada con, entre outros, os premios Sor Juana Inés de la Cruz (Feria del Libro de Guadalajara, México), o Premio Julio Camba de Xornalismo (2019), ou o Premio Setenil ao mellor libro de relatos publicado en España. Entre o seu labor como tradutora destacan libros como Cumes borrascosos de Emily Brontë ou a biografía sobre Clarice Lispector de Benjamin Moser.

Actualmente vive en Madrid, onde compaxina o seu labor como novelista coa docencia universitaria e con colaboracións en distintos medios, entre eles La Voz de Galicia  e El País