Librarías mecenas

No proxecto de Aira editorial as librarías son fundamentais. Non entendemos o traballo de edición sen ter en conta o esforzo e o compromiso diario dos e das libreiras na promoción, aconsellamento e visibilidade do libro galego. É por iso que ofrecemos sempre as mellores condicións de venda no noso catálogo para as librarías que queren traballar directamente connosco. Agora buscamos levar a nosa complicidade un chanzo máis arriba. Buscamos librarías que apoien a consolidación dunha biblioteca de clásicos ilustrados en lingua galega. Soñas libros bonitos canda nós?

 

Como me fago mecenas?

Envíanos un correo a contacto@airaeditorial.gal e automaticamente a túa libraría se converterá en libraría mecenas. Posteriormente poñerémonos en contacto contigo para enviarche o contrato de mecenas literaria e tramitar o pagamento da cota anual de 100 euros.

 

Que recibo a cambio?

A cota dáche dereito a:

 

— 50% de desconto na compra anual de calquera título do fondo editorial de Aira.

— Recibir tres exemplares do libro publicado dedicados cunha ilustración do artista. Un deles debe destinarse para sortear entre os clientes da libraría

— Unha lámina ilustrada (exclusiva e numerada) baseada no universo creativo da obra.

— Dez pósters cun deseño exclusivo para agasallar os compradores do libro na vosa libraría.

— Cinco bolsas de algodón cunha ilustración ambientada no universo creativo da obra.

— O nome da túa libraría aparecerá na páxina de créditos da obra publicada.

Nada máis?

— Estarás ao tanto dos progresos creativos do proxecto.

— Terás acceso ás carpetas virtuais de bocetos e premaquetación. Posibilidade de visitar o Espazo BenComún, onde se editan os libros da Aira editorial. 

— A túa libraría será espazo de difusión e conversa ao redor do libro, con eventos exclusivos para os teus clientes.

 

Librarías Mecenas Especial

 

Esta modalidade custa 200 euros.

Amais das recompensas das librarías mecenas obterás:

-10 exemplares máis do libro publicado.

-Unha caixa de madeira orixinal cun deseño exclusivo, fabricada en Allariz con materia prima autóctona de Galicia.

 

Hai límite de librarías mecenas?

Non. Calquera libraría cómplice de Aira editorial pode ser mecenas.

Axúdasnos, daquela, a fabricar libros bonitos?

Tel. 636 889 015
Correo-e: contacto@airaeditorial.gal
www.airaeditorial.gal

 

TÍTULOS DA COLECCIÓN CLÁSICOS ILUSTRADOS

Vidas imaxinarias, de Marcel Schwob. 2017.

Frankenstein ou o Prometeo moderno, de Mary Shelley. 2019.

Unha noite no tren da Vía Láctea, de Kenji Miyazawa. 2020.

Heidi, de Johanna Spyri. Proximamente.