Amais de publicar os nosos libros, Aira editorial pode axudarche a publicar os teus. Temos experiencia en edición comercial e persoal formado en Comunicación, Literatura e Lingua Galega. Tamén en Ilustración e Deseño.
Contamos coas ferramentas principais para a maquetación e ilustración en calquera sistema operativo e estamos actualizados en todas as áreas, polo que podemos asesorarte no teu próximo proxecto.
SERVIZOS
EDICIÓN E CORRECCIÓN DE ESTILO, LINGÜÍSTICA E ORTOTIPOGRÁFICA
Temos profesionais que poden axudarche a mellorar a túa obra de ficción, con experiencia en creación, edición e crítica literaria. Traballamos cóbado con cóbado co autor para tirar o máximo partido á súa imaxinación e historia. Relatos, novelas, poesía, ensaio, guións para cómic...
Tamén corriximos orixinais, eliminando grallas relativas á lingua (en castelán e galego) ou ao estilo e puntuación.
Ofrecemos servizo de consultoría artística sobre ilustración (álbum ilustrado, cómic...). Contamos con profesionais de grande experiencia na dirección de arte e na ilustración editorial.
-Revisión de orixinais.
-Avaliación de traballos gráficos ou de ilustración.
-Revisión de probas de imprenta en calquera soporte informático.
PRODUCIÓN EDITORIAL
-Maquetación de catálogos, revistas e libros.
-Ilustración e deseño artístico de portadas e interiores.
-Impresión dixital baixo demanda (desde 4 exemplares).
-Impresión ofset.
DESENVOLVEMENTO DE CONTIDOS
En Aira editorial podemos crear os contidos que necesites. Temos profesionais da Comunicación con experiencia en Xornalismo, Historia e Documentación.
-Documentación para proxectos editoriais, pedagóxicos, para exposicións ou monografías.
-Creación literaria.
-Redacción xornalística e xestión de medios de comunicación.
-Ilustración (libros de texto, revistas, exposicións, monografías...).