Soños eléctricos

No futuro viviremos en cidades verticais, estratificadas por clases sociais en niveis que ou ben soben até o ceo ou se perden nas catacumbas dos sotos. Cidades protexidas por campás do sol, arrodeadas por un deserto letal.

Nese futuro viviu Stevo Dádik, o protagonista desta novela de ciencia ficción clásica que gañou o Premio Blanco Amor de novela no 1992.

Agora editamos a versión comemorativa do seu 30º aniversario na colección de clásicos rescatados, unha escolma de obras recentes imprescindibles para a literatura en galego.