(Ourense 1970). Comezou no mundo da banda deseñada galega co grupo Frente Comixario en Ourense. Compaxinouno coa publicación en Golfiño, El Jueves e outros, ao tempo que empezou a facer ilustración editorial. Traballou na industria da Animación, tanto en proxectos de TV coma nas produtoras cinematográficas Grándola e Dygra Films. Tamén desenvolveu traballo como docente nas áreas da Ilustración e da Comunicación Gráfica. Impartiu obradoiros, cursos e masterclass.

O seu traballo forma parte do ciclo Cidades no Tempo, da Fundación Cidade da Cultura e Afundación. Tamén participou noutras exposicións senlleiras como Galicia, un relato no mundo ou Galicia Futura. Ler máis...

Naceu no ano 2000, e cando puido coller un lapis ou un pincel, xa non os soltou. Artista multidisciplinar (cantante, música, ilustradora…) que se formou como profesional da ilustración na EASD Pablo Picasso entre os anos 2018-2020 e en Belas Artes (Pontevedra) entre os anos 2020-2022, onde obtivo o premio de Excelencia Académica no 2023. Participa en proxectos de ilustración como fanzines para Amnistía internacional, proxectos de autopublicación, e tamén colabora ilustrando con outros autores. Cando chega o outono é o seu primeiro álbum ilustrado. Ler máis...

Vitoria-Gasteiz, 1981. Escritora vasca. Publicou dous libros de contos: Sua Falta Zaigu
(Elkar, 2007) e Habitat (Elkar, 2009), e algunhas historias para nenos e mozos. No 2015 publicou a súa
primeira novela, Atertu arte Itxaron, publicada en varios idiomas europeos. No 2018 publicou Amek ez dute, publicada en nove idiomas e que pronto será adaptada ao cinema.

De novo centauro (Aira, 2023) é a súa primeira novela traducida ao galego.

Obras da autora

(Trabada, 1976). Licenciouse en Física de Partículas na USC e traballa como profesora de secundaria desde o 2000. Actualmente é docente en Boiro, onde promove proxectos de activismo cultural como o festival audiovisual escolar Olloboi, recoñecido co premio especial José Sellier da Academia Galega do Audiovisual polo seu compromiso e traballo en prol da canteira do cine galego.

Colaborou en diferentes proxectos multidisciplinares de ilustración como un arquivo de Xacementos arqueolóxicos da provincia de Pontevedra, un fanzine para Amnistía Internacional ou un manual gráfico sobre os sistemas educativos de Ottawa e Galicia.  Ler máis...

(Londres, 1824-1889). Era fillo dun pintor paisaxista. Desde moi novo mostrou interese pola literatura. A partir do 1851 iniciou unha relación creativa, persoal e laboral con Charles Dickens. As súas obras de ficción gañaron gran sona no seu momento. Moitas delas publicáronse por entregas, especialmente na revista All The Year Round, propiedade de Dickens, onde apareceu A dama de branco. Collins padeceu artrite, que trataba con opiáceos, o que o converteu nun adicto que incluso tiña alucinacións. Nunca casou, pero tivo unha longa relación intermitente con Caroline Graves e con Martha Rudd, con quen tivo tres fillos. Ler máis...

(Salamanca, 1959). Doutora en Historia pola UNED. Traballa desde o 2008 como investigadora no Instituto de Estudos Galegos Padre Sarmiento. Especialista en minorías na Baixa Idade Media no Reino de Galicia, especialmente as comunidades xudías. No 2008 recibiu o Premio Samuel Toledano que outorga o Centro para a Investigación e o Ensino do Legado do Xudaísmo Sefardita e Oriental de Xerusalén polo seu traballo Los judíos en Galicia (1044-1492).

Obras da autora

Naceu no 1868 en Littleton, New Hampshire (EUA). O seu pai era farmacéutico e a súa nai unha descendente daqueles primeiros ingleses que chegaron a América no famoso navío Mayflower. Estudou Música en Boston e chegou a ser cantante profesional. Logo de casar con John Lyman Porter, empresario, no 1892, estableceuse en Chattanooga, Tennessee. A carreira literaria de Eleanor comezou no 1900. O seu grande éxito foi Pollyanna. Morreu en Cambridge, Massachusetts, no 1920, a causa da tuberculose.

Obras da autora

(Venecia, 1254-1324). Membro dunha estirpe de comerciantes moi famosa na República de Venecia. Estivo máis de vinte anos ao servizo de Kublai Khan, emperador da China, para quen desenvolveu varias misións diplomáticas e a quen serviu como gobernador e administrador. No 1295 regresou a Europa. Foi capturado durante a guerra entre Venecia e a República de Xénova. Foi liberado no 1299. Nos seus últimos anos de vida foi membro do Gran Consello da República, principal órgano lexislativo da cidade-estado. Ler máis...

(St. Louis, Missouri, EUA, 1850-1904). Foi unha das máis destacadas autoras de narrativa curta do último terzo do século XIX. Naceu nunha familia rica, de orixe europea, que posuía escravos. Graduouse na Sacred Heart Academy no 1868. Empezou a escribir no 1880, logo de quedar viúva, aínda que desde nova mantivo un contacto estreito coa comunidade literaria da súa cidade natal. O espertar é a súa novela máis famosa e nela recolleu parte da súa experiencia persoal en Louisiana, onde viviu varios anos e onde naceron os seis fillos que tivo co industrial algodoeiro Oscar Chopin. Ler máis...

Naceu no 1858 en Marbacka (Suecia). Foi unha nena enferma e moi lectora. Estudou para mestra e exerceu esa profesión toda a vida. Está considerada unha das grandes renovadoras da literatura sueca no século XX, tanto na narrativa adulta coma na literatura infantil e xuvenil. Foi pioneira na loita feminista na cultura. Gañou o Premio Nobel de Literatura no 1909 e foi a primeira muller en entrar na Academia Sueca, no 1914. Militou no sufraxismo e compartiu iniciativa política con grandes mulleres do seu tempo. Morreu na súa localidade natal no 1940. Ler máis...

Ilustradora e rotulista autodidacta. Naceu en Moscova (Rusia), pero mudouse a Letonia. Vive nunha granxa ecolóxica co seu marido. O seu estilo é unha mestura de formas graciosas e simpáticas e simpáticos personaxes debuxados a man e logo convertidos en formato dixital.

Obras da autora

• Como funciona?

(1978) publicara dez libros de poemas, galardoados cos premios máis prestixiosos de Catalunya, antes de escribir a novela Permaxeo (2018, finalista do Premio Medicis), que se converteu de inmediato nun fenómeno literario dos que marcan época. As súas seguintes novelas, Boulder e Mamut consagrárona coma unha das autoras máis interesantes da literatura actual. Traducida a unha ducia de linguas, é unha das autoras catalás con máis recoñecemento internacional. Segue a escribir narrativa e poesía a un tempo.  Ler máis...

Naceu en Lugo o 5 de marzo do 1942. Pasou gran parte da súa infancia nas terras do Páramo. Estudou Filosofía e Letras na Universidade de Santiago de Compostela. Doutor en Filoloxía. Na década do 1960 foi docente en Lugo, no Colexio Fingoi e no actual IES Lucus Augusti. Nesa época fundou a colección de poesía «Ronsel». No 1968 foi nomeado para a Cátedra de Lingua e Literatura Españolas do Instituto Mariano Benlliure de Valencia. Acabou a súa carreira docente como profesor da facultade de Filoloxía da Universidade de Valencia. Viviu xa para sempre na capital mediterránea coa súa dona, Carmen Paramio. Á parte de poeta, foi un destacado crítico literario e investigador académico. A RAG nomeouno membro de honra no 2012. Recibiu o premio «Voz da Liberdade» do Centro PEN Galicia no 2015 e o Premio Otero Pedrayo (2015), que outorgan as deputacións de Galicia. Como escritor recibiu o Premio Adonais (1978), o Premio da Crítica Galicia (1984), o Premio Ciudad de Melilla (1991), o Premio Tiflos (1997) e o Premio Caixanova (2005) entre outros. Faleceu en Valencia o 11 de abril do 2022. Ler máis...

(Sendelle-Crecente) é licenciado en Ciencias Económicas pola Universidade de Santiago e investigador histórico, oficio que agora desenvolve en exclusiva e que no pasado combinou coa actividade empresarial.

É autor de Un paseo pola historia de Rebordechán (2007), Marcelino Gómez Arias. Unha vida dedicada á loita pola república e o agrarismo (2014) e Os Lobariñas Feixoo. Luz e memoria nos Séculos Escuros (Aira, 2023). Asemade publicou textos de tema histórico para a Universidade de Santiago de Compostela, no Nós Diario ou na revista Murguía, entre outras publicacións. Ler máis...

(A Coruña, 1988). É ilustrador pola escola de deseño Antonio Faílde de Ourense. Actualmente reside en Nigrán.
Durante a súa carreira traballou para diversas editoriais, case sempre en traballos para o público infantil e xuvenil.
Como obra destacada ilustrou Quen dá a quenda?, de Héctor Cajaraville, recomendado pola guía de literatura infantil e xuvenil para a igualdade da Xunta de Galicia; Somos os monstros, de Paula Carballeira que foi premio X Premio Manuel María de Literatura Dramática Infantil 2018 e forma parte da lista de Honra 2019 da OEPLI; A cidade dos desexos, de Agustín Fernández Paz e Sálice e Sándala, de Xoán Babarro. Ademais tamén colaborou coa Real Academia Galega para conmemorar o día das letras Galegas ilustrando pequenas biografías de Ricardo Carvhallo e Xela Arias. É tamén autor das iliustracións de Las vacaciones de los Reyes Magos, de Pablo Reyna e a colección “La abuela espía”, de Javier Ruesca e Andrés Quinzaños.  Ler máis...

Lugar de Penedo, San Cibrao das Viñas. 1987. Educadora social, traballadora social, responsable dunha casa niño en Taboadela, nai, feminista e pandereteira afeccionada.  Con variopintos e precarios traballos ás súas costas en distintos sectores, nunca abandonou a gana de escribir e imaxinar historias para a cativada. 

Obras da autora

• Bigote de tres pelos

Naceu en Tui no 1967. É licenciado en Belas Artes pola Universidad de Salamanca. Actualmente traballa como profesor de Educación Plástica no IES Pino Manso do Porriño. É autor dos videoclips para Depressa a vida passa (Ugia Pedreira e Fred Martins), Soñar (Magín Blanco), Chea de vida, Vida, Desdebuxar e Balada de verán (Guadi Galego), Sempre en Galiza/Galician Lullaby (Uxía e Narf), Camariñas (Nordestinas) e Festa do bosque (Xabier Díaz), entre outros.

Obras do autor

Nacido en Salvaterra de Miño, dedícase á ilustración dende 2019, traballando para todos os públicos, pero con especial interese no mundo da literatura infantil e xuvenil.
Para esas idades fixo as ilustracións dun libro de texto de Primaria e as dun relato para público xuvenil, Cocotibur. Para o público adulto escribiu e debuxou o cómic As ruínas de Lisboa.

Obras do autor

• As ruínas de Lisboa

Emma Pedreira (A Coruña, 1978). Filóloga, escritora e artista plástica.
Como  poeta a súa obra atinxe máis de dez títulos entre os que atopar s/t, O libro das
mentiras ou Antídoto. En 2017, un poema deste poemario foi considerado o Mellor
Poema do Mundo e galardoado co Premio de Poesía Jovellanos.
No ano 2018 gañou o Premio da Crítica Española no apartado de narrativa en galego
por Bibliópatas e fobólogos (Galaxia), o Premio Xerais de novela por Besta do seu sangue e o
Premio de Poesía Fiz Vergara Vilariño por As voces ágrafas.
En 2019 gaña o Premio Jules Verne por Os corpos invisibles (Xerais). Esta novela
tamén foi considerada, xunto coa autora, a mellor do ano pola revista electrónica
Fervenzas Literarias e no 2020 gaña o Premio da Gala do Libro Galego ao mellor texto
xuvenil.
En 2021 publica Os libros que hai en min (Cuarto de Inverno). Tamén é autora de Juana de Vega, a muller que desafiou o seu tempo (Galaxia), que escribiu a catro mans con Marilar Aleixandre.
Vén de publicar o poemario bilingüe Para saír deste lugar (Urutau), ao que acompaña
a serie de collage do mesmo nome.
Como artista plástica participa con collage nos poemarios O Elo, de Quico Valeiras
(Urutau) e Círculo dentro do círculo, de Inma Doval (Urutau) e na publicación Xela
Arias poeta nas marxes (O Arquivo das Trasnas) así como en portadas de libros, ou
en revistas especializadas como Cuaderno Artístico, Collage, La jirafa en llamas, entre
outras.
Tamén publicou o folletín eclectrónico-poético-colaxístico Bicadora Duncan en
Ler máis...

Francisco Narla (Lugo, 1978) vive actualmente en Friol. É aviador e escritor. Mais as súas afeccións son as que o definen: arqueiro, pescador con mosca, afeccionado aos bonsais, apicultor e case calquera tema sobre o que poida ler un libro.Publicou poesía, relatos, ensaios técnicos e novelas. Colaborou en radio e televisión. Tamén é conferenciante habitual en foros universitarios.Como novelista foi traducido a varios idiomas e ocupou os primeiros postos das listas de vendas con títulos como Assur, Ronin, Donde aúllan las colinas ou Laín, o bastardo, obra coa cal foi galardoado co I Premio Edhasa de Narrativas Históricas.Breo. O celta que desafiou a Roma é a súa primeira novela publicada en galego. Ler máis...

Cequeliños, Arbo, 1977. Xornalista e editor. Dirixe Aira desde o 2017. Edita a revista literaria dixital Biosbardia. Forma parte do Comité de redacción de Luzes. Crítico literario no Faro de Vigo. Foi redactor xefe d’A Nosa Terra e correspondente en Galicia de El Correo de Bilbao. Publicou a novela A gran novela galega (Morgante, 2023). Gañou o Premio Torrente Ballester de Narrativa en Lingua Galega 2023 coa novela Sábeme a salamántiga o ceo da boca.

Obras do autor

Raül Garrigasait (Solsona, Catalunya, 1979) é escritor e helenista. No eido do ensaio explorou temas como o
cosmopolitismo, os perigos e potencialidades da ira, a entrada da modernidade estética en Catalunya e os usos
políticos dos clásicos grecolatinos. No libro País barroc (2020) propuxo unha singular combinación de ensaio
autobiográfico e reflexión cultural e histórica, e recentemente acaba de publicar a súa segunda novela, Profecia.
Traduciu ao catalán obras de Platón, Goethe, Joseph Roth, Peter Sloterdijk e Thomas Bernhard, entre outros.
Móvese entre a reflexión e a narrativa e foi construíndo unha obra que recolle elementos dunha longa tradición
literaria e filosófica para interrogarse sobre os ídolos e malestares da modernidade. Os estraños, que se
publicou en catalán no 2017, foi distinguida con algúns dos premios máis importantes da literatura catalá. Ler máis...

Nati Rey (Abuín – Rianxo, 1988). Publicou  a “A aldea maldita de Abuín”, un artigo de investigación publicado pola Sociedade Antropolóxica Galega no libro “Achegas ao Patrimonio Inmaterial Galego» (2018). O relato «O pano da nostalxia», en VV.VV.: Liñas compartidas, (Toxosoutos, 2019) e foi coautora do relato «Alén dos Alén», en VV.VV.: Liñas compartidas, (Toxosoutos, 2019). Publicou artigos de investigación etnográfica como é «Os cruceiros dos meniños: a morte prematura na cultura popular galega», en Barbantia: Anuario de estudos do Barbanza, 15. (2019). «Agoiros de morte no concello de Rianxo», en Barbantia: Anuario de estudos do Barbanza, 16, (2020). Tamén fai colaboración exporádicas en: «A voz de Barbantia», suplemento cultural de La Voz de Galicia. En Biosbardia e no seu blogue “O Camiño Esquecido”. Ler máis...

Sol Mariño nace en 1986. Pasa a súa infancia entre a Terra de Soneira e a Coruña, onde fai os estudos secundarios e comeza a facer teatro. En Barcelona estuda comunicación audiovisual e fotografía, e vincula a súa poesía co teatro no grupo Humanfuzz, co que representa o monólogo Xeada, parte do cal aparece neste poemario.

En 2008 publica fotografías acompañando o poemario “Baixo o sol de Mesina” de Lino Braxe, seu mestre de teatro na adolescencia e con quen continuou colaborando en obras como no “O Paseo das Esfinxes” en 2018. Ler máis...

Roberto Fernández Álvarez (Chantada, 1967), estudou Medicina na universidade de Santiago de Compostela, e fixo a especialidade de Medicina Familiar e Comunitaria en Ourense. Na actualidade exerce de médico en Allariz. Doutor en Medicina pola Universidade de Santiago, é autor de varios traballos no eido da investigación cualitativa. Foi gañador do premio Cabaleiro Goás do ano 2013 e autor do libro Enfermos pobres, médicos tristes, co que gañou o XXI premio Vicente Risco de Ciencias Sociais. Ler máis...

Elba Pedrosa (Santa Cruz de Tenerife, 1973) é comunicadora, actriz e escritora. Licenciada en
Ciencias da Información pola Universidade Complutense de Madrid. Colabora con medios de
comunicación como articulista (Diario de Pontevedra) e presentadora (Club Faro de Vigo,
Televisión de Galicia). É relatora en foros educativos e empresariais e formadora nas
especialidades de Creatividade e Oratoria. Membro do directorio Mulleres Referentes de
Galicia e do Xurado dos Premios da Cultura de Galicia (2020).
Autora de Despertando la Creatividad (Profit editorial), O que non sabías (Edicións Xerais de
Galicia), Lo que no sabías (Editorial Carena). Ler máis...

(1809-1849). Escritor, xornalista, crítico literario. Está considerado un dos máis grandes escritores da historia da literatura e considérase pai non só da literatura moderna estadounidense, senón da concepción contemporánea dos xéneros populares narrativos (novela policial, novela de terror…). Cultivou especialmente o relato curto e a poesía, e foi un mestre na creación de atmosferas literarias. O relato de Arthur Gordon Pym foi a súa única novela.

Obras do autor

Marta Orriols Balaguer (Sabadell, 1975), es historiadora del arte de formación. Vive y
trabaja en Barcelona. Ocasionalmente, trabaja como lectora editorial. Entusiasta de la
literatura anglosajona, estuvo al cargo de la edición del libro Objeto de amor, de Edna
O’Brien (Lumen, 2018). Con su primer libro, Anatomia de les distàncies curtes
(Periscopi, 2016), consiguió un éxito notable de crítica y público y la revista Granta
escogió uno de sus cuentos para su edición en español. Con su primera novela,
Aprendre a parlar amb les plantes (Periscopi, 2018) consiguió el Premio Òmnium a la
Mejor Novela del año 2018. Aprendre a parlar amb les plantes se ha traducido a 15
idiomas, entre ellos, el inglés (Pushkin Press. 2019). Ha colaborado en colecciones de
cuentos en los libros Barcelona-Buenos Aires once mil kilómetros (Trampa Ediciones,
2019) y Vora el mar (Univers, 2021). Su última novela, Dolça introducció al caos
(Periscopi, 2020) continua en la línea de los textos anteriores, retratando la complejidad
de les relaciones humanas. Ler máis...

Ares, 1976. Historiador da Arte, ilustrador, pintor e autor de banda deseñada. Publicou catro novelas gráficas: Un hombre feliz, gañadora do Certame Castelao e premio do público ao Mellor Guión no Saló del Cómic de Barcelona e tamén foi adaptada a formato radio-teatro pola Radio Nacional Eslovena; Cartas de Inverno, Premio Isaac Díaz Pardo ao Mellor Libro Ilustrado pola Asociación Galega de Editores LA LUZ, nominada a Mellor Obra Nacional en Expocómic e A CHAIRA, galardoada co Premio á Mellor Libro de Banda Deseñada do ano na Gala do Libro Galego 2020. Fai traballos de ilustración para literatura infantil e xuvenil, para revistas, xornais… leva feitas dúcias de portadas de libros, capas e libretos de discos para grupos como Marillion, Luar Na Lubre, etc Logos como os da Fundación de David Lynch e ilustracións para series como La que se avecina. Diversas exposicións de pintura e ilustración: Ramses by Philippe Stark , Madrid; Galería Sargadelos Ferrol, Sala de Exposicións de San Martiño Pinario en Compostela, etc. Comisariou a exposición do 30º Aniversario de Luar Na Lubre para os que tamén realizou as sesión de fotos oficiais. No 2019 publicou a súa primeira novela xuvenil O Soño da Serpe. Ler máis...