(1809-1849). Escritor, xornalista, crítico literario. Está considerado un dos máis grandes escritores da historia da literatura e considérase pai non só da literatura moderna estadounidense, senón da concepción contemporánea dos xéneros populares narrativos (novela policial, novela de terror…). Cultivou especialmente o relato curto e a poesía, e foi un mestre na creación de atmosferas literarias. O relato de Arthur Gordon Pym foi a súa única novela.

Obras do autor

Marta Orriols (Sabadell, 1975) formouse como historiadora da Arte. Vive e traballa en Barcelona, ocasionalmente como lectora editorial e escribindo para algúns medios culturais. Entusiasta da literatura anglosaxoa, encargouse da edición do libro Objeto de amor, de Edna O’Brien (Lumen, 2018). Debutou como escritora co libro de contos Anatomia de les distáncies curtes (Periscopi, 2016), que xunto coa novela Aprender a falar coas plantas (Aira, 2022) —Premio Òmnium á mellor novela do ano 2018—, Dolça introducció al caos (Periscopi, 2020) e A posibilidade de chamarlle casa, recibiu o aplauso do público e os eloxios da crítica. A súa obra foi traducida a dezasete linguas, incluídas o francés, o italiano, o inglés, o árabe e o chinés. Ler máis...

Ares, 1976. Historiador da Arte, ilustrador, pintor e autor de banda deseñada. Publicou catro novelas gráficas: Un hombre feliz, gañadora do Certame Castelao e premio do público ao Mellor Guión no Saló del Cómic de Barcelona e tamén foi adaptada a formato radio-teatro pola Radio Nacional Eslovena; Cartas de Inverno, Premio Isaac Díaz Pardo ao Mellor Libro Ilustrado pola Asociación Galega de Editores LA LUZ, nominada a Mellor Obra Nacional en Expocómic e A CHAIRA, galardoada co Premio á Mellor Libro de Banda Deseñada do ano na Gala do Libro Galego 2020. Fai traballos de ilustración para literatura infantil e xuvenil, para revistas, xornais… leva feitas dúcias de portadas de libros, capas e libretos de discos para grupos como Marillion, Luar Na Lubre, etc Logos como os da Fundación de David Lynch e ilustracións para series como La que se avecina. Diversas exposicións de pintura e ilustración: Ramses by Philippe Stark , Madrid; Galería Sargadelos Ferrol, Sala de Exposicións de San Martiño Pinario en Compostela, etc. Comisariou a exposición do 30º Aniversario de Luar Na Lubre para os que tamén realizou as sesión de fotos oficiais. No 2019 publicou a súa primeira novela xuvenil O Soño da Serpe. Ler máis...

Forma parte da primeira promoción de xornalistas formadas en Galicia, na facultade da
Universidade de Santiago de Compostela, centro de ensino que foi o obxecto de estudo da súa
tese de doutoramento lida no 2012. Dedícase desde o 2003 á comunicación no ámbito da
cultura. Antes, exerceu o xornalismo colaborando con diferentes medios e, fundamentalmente,
entre o 1993 e o 2002 como parte da redacción do semanario A Nosa Terra. Na mesma editora
do xornal publicou no 1999 a biografía da actriz María Casares que abre a colección ‘Mulleres’,
xunto a outro título dedicado á artista Maruxa Mallo, da autoría de Carme Vidal. Unha colección
editorial nacida coa vontade de divulgar biografías de mulleres galegas, de enorme relevancia e
cunha gran riqueza na construción do seu relato vital, pero tristemente descoñecidas para o
público. Achegarse hai vinte e tres anos á vida e obra de María Casares levouna a xornadas,
conferencias e publicacións diversas. A nivel persoal, a figura de María Casares segue sendo
referente e permanente inspiración. Ler máis...

Dende 2012 ofrecemos Servizos Culturais, Medioambientais e de Ocio. Traballamos no ámbito da economía social para un heteroxéneo e amplo abano de clientes, dende a administración pública ou entidades sen ánimo de lucro e fundacións, ata outras empresas, entidades privadas ou particulares.

Atendendo as tres grandes áreas de actuación aceptadas na Xestión Patrimonial ofrecemos un amplo catálogo de servizos, que abarcan dende a xestión básica (investigación e protección) ata a xestión aplicada (difusión). Para isto contamos con convenios de colaboración cun amplo número de profesionais, empresas e institucións que nos permiten ofrecer un servizo de xestión integral de proxectos adaptado ás necesidades de cada cliente. Ler máis...

Naceu e morreu en Alexandría (1863-1933). Fillo de gregos, asistiu ao derrubamento do Imperio Otomano. De pequeno viviu tamén en Liverpool, tras a morte de seu pai. Pero con vinte e dous anos voltou a Exipto e xa nunca máis abandonaría a súa cidade natal. Está considerado un dos grandes poetas do século XX. A súa obra xa foi famosa en vida del, e el mesmo a editaba en primorosos libros e cartapacios artesanais. Dous foron os seus grandes temas: a reivindicación a través da literatura do vasto legado cultural grego ao longo dos séculos, e o amor, no seu caso un amor homosexual que sempre levou con discreción. Ler máis...

 (Alessandria, 1932-Milán, 2016).  Filósofo, medievalista, semiólogo, comunicólogo e escritor. É autor de ensaios sobre os temas que máis estudou, de gran proxección mundial e influencia académica, caso de Apocalípticos e integrados (1964), Kant e o ornitorrinco (1997), Cinco escritos morais (1998), Historia da beleza (2004), ou Historia da fealdade (2007), entre outros. Os seus libros de ficción foron todos eles inmediatos éxitos de vendas en todo o mundo: O nome da rosa (1980), co que gañou ao ano seguinte o Premio Strega; O péndulo de Foucault (1988); A illa do día de antes (1994); Baudolino (2000); A misteriosa chama da raíña Loana (2004); O cemiterio de Praga (2010) e Número cero (2015).O nome da rosa é a primeira das súas novelas traducida ao galego. Ler máis...